آرمی چیف جنرل عاصم منیر نے کراچی پولیس چیف کے دفتر (کے پی او) کا دورہ کیا ہے، وزیراعلیٰ سندھ مراد علی شاہ بھی آرمی چیف کے ہمراہ تھے۔
آرمی چیف جنرل عاصم منیر نےدورے کےدوران عمارت کےمختلف حصوں کا معائنہ کیا۔
پاک فوج کےسربراہ نے دہشت گردوں کا حملہ ناکام بنانےپر فورسز کےایکشن کو سراہا اور بہادری کا مظاہرہ کرنے پر فورسزکو خراج تحسین پیش کیا۔
کے پی او پر جمعہ کی شام 7 بج کر 10 منٹ پر دہشت گردوں نے حملہ کیا تھا، حملے کے بعد قانون نافذ کرنے والے اداروں کے ایکشن کے دوران تمام دہشت گرد ہلاک ہوگئے تھے، ایک دہشت گرد عمارت کی چوتھی منزل پر جبکہ دو چھت پر مارے گئے۔
حملے میں دو پولیس اور ایک رینجرز اہل کار شہید ہوئے، جبکہ مارا جانے والا چوتھا شخص سینیٹری ورکر تھا۔
