وفاقی وزیر منصوبہ بندی احسن اقبال نے طویل عرصے کے لیے نگران سیٹ اپ کے امکان کو مسترد کر دیا۔
انسٹی ٹیوشن آف انجینئرز پاکستان کی جانب سے لاہور کے مقامی ہوٹل میں تقریب میں شرکت کے میڈیا سے گفتگو کرتے ہوئے احسن اقبال نے کہا کہ آئینی مدت مکمل کر کے حکومت اقتدار سے الگ ہو جائے گی، اس کے بعد الیکشن کمیشن انخابات کروائے گا، حکومت ختم ہونے سے ایک ہفتہ قبل نگران سیٹ پر مشاورت مکمل کر لیں گے۔
وفاقی وزیر منصوبہ بندی کا مزید کہنا تھا کہ الیکشن سے ملک حقیقی جمہوریت کی طرف جائے گا، جس کا اختیار عوام کے پاس ہے، عوام سے کہوں گا کہ تمام جماعتوں کا تجزیہ کریں اور پھر فیصلہ کریں کہ کس نے ملک میں ریکارڈ ترقیاتی کام کیے۔
تقریب کے اختتام پر انسٹی ٹیوشن آف انجینئرز پاکستان کی جانب سے وفاقی وزیر احسن اقبال کو لائف اچیومینٹ ایوارڈ سے نوازا گیا۔
