ایران میں 2 مشہور اداکاراؤں کو حجاب نہ پہننے پر فرد جرم عائد کردی گئی۔
ایرانی میڈیا کی رپورٹس کے مطابق دارالحکومت تہران میں پولیس نے کتایون ریاحی اورر پانتہ بہرام کے خلاف مقدمہ درج کرکے معاملہ عدلیہ کو بھیج دیا ہے۔
اس مقدمے میں اداکاراؤں پر سرِ عام حجاب اتارنے اور انٹرنیٹ پر تصاویر لگانے کے جرم کا الزام عائد کیا گیاہے۔
ان دونوں اداکاراؤں کے پرستاروں نے سوشل میڈیا پر اس خبر پر افسوس کا اظہار کیا ہے اور ان دونوں کے ساتھ اظہارِ یکجہتی کیا ہے کیونکہ مقدمہ چلائے جانے کی صورت میں ان دونوں کو جرمانے یا قید کی سزا کا سامنا کرنا پڑ سکتا ہے۔
Iranian state media reported on Tuesday that Tehran police have referred Katayoun Riahi and Pantea Bahram to the judiciary, accused of “the crime of removing their hijab in public and publishing its images in the virtual space” pic.twitter.com/oiO2W4fain
— Faisal Ali Shah (@FaisalzUpdates) April 25, 2023
رواں ماہ کے آغاز میں ایران کی پولیس نے کہا تھا کہ وہ لباس کے قواعد کی خلاف ورزی کرنے والی خواتین کے خلاف کریک ڈاؤن شروع کر رہی ہے اور اس کے لیے عوامی مقامات پر اسمارٹ ٹیکنالوجی کا استعمال شروع کیا جائے گا۔
گزشتہ ہفتے 53 سالہ پانتہ بہرام کی تصاویر اس وقت وائرل ہوئی تھیں جب انہوں نے ایک فلم کی نمائش میں اسکارف کے بغیر تصویر بنوائی تھی۔
اسی طرح 61 سالہ کتایون ریاحی نے تہران کے قریب عوامی مقامات پر لی گئی اپنی متعدد تصاویر سوشل میڈیا پر پوسٹ کی تھیں جن میں انہوں نے سر کو ڈھانپا ہوا نہیں تھا۔
