ایوسٹین انجکشن کی فروخت اور استعمال پر پابندی لگانے کا فیصلہ کر لیا گیا۔
ڈریپ ذرائع کے مطابق ایوسٹین انجکشن کی سیل، استعمال پر پابندی عارضی طور لگائی جا رہی ہے، ایوسٹین انجکشن کے امپورٹر روش پاکستان کو حکم نامہ ارسال کیا گیا ہے۔
ذرائع کے مطابق رجسٹرڈ ایوسٹین انجکشن کی ڈسٹریبیوشن پر پابندی عائدکر دی گئی ہے، یہ پابندی صحت عامہ کے تحفظ، غلط استعمال روکنے کیلئے لگائی گئی ہے۔
ڈریپ نے امپورٹر کو مارکیٹ سے ایوسٹین کا اسٹاک واپس اٹھانے کی ہدایت کر دی جبکہ فارمیسی، کیمسٹ کے پاس موجود ایوسٹین کا ا سٹاک سیل کیا جائے گا۔
ڈریپ ذرائع کے مطابق رجسٹرڈ ایوسٹین انجکشن کا سیمپل ڈرگ ٹیسٹنگ لیبارٹری بھجوایا گیا ہے، ڈرگ لیبارٹری کی رپورٹ ملنے پر ایوسٹین کے بارے میں حتمی فیصلہ کیا جائے گا۔
