بھارت میں آج سے شروع ہونے والی جی 20 اجلاس میں دیگر ممالک کے سربراہان شرکت کے لیے پہنچ گئے۔
جی 20 سربراہی اجلاس آج سے بھارتی دارالحکومت نئی دہلی میں ہوگا، جس میں شرکت کے لیے امریکی صدر جو بائیڈن سمیت دیگر سربراہان مملکت بھارت پہنچے ہیں۔
That's a wrap on day one of my visit to New Delhi for the G20. pic.twitter.com/W1dmsgFM9u
— President Biden (@POTUS) September 8, 2023
سعودی عرب کے ولی عہد شہزادہ محمد بن سلمان بھی بھارت پہنچے، جہاں ان کا وزیراعظم نریندر مودی نے استقبال کیا۔
جی 20 کوعالمی معیشت کا ایک نہایت طاقت ور گروپ تصور کیا جاتا ہے کیونکہ اس میں شامل ممالک دنیا کی مجموعی پیداوار کا 80 فیصد کنٹرول کرتے ہیں۔
More G20 leaders touch down in New Delhi for the #G20 Summit.
Crown Prince and PM of Saudi Arabia Mohammed bin Salman bin Abdulaziz Al Saud welcomed by Minister @RailMinIndia @pib_comm & @GoI_MeitY @AshwiniVaishnaw.
Chancellor of Germany @Bundeskanzler welcomed by MoS @minmsme… pic.twitter.com/8Mv3b1R7zJ
— G20 Brasil (@g20org) September 9, 2023
عالمی رہنماؤں کی آمد کا سلسلہ جاری ہے، برطانوی وزیراعظم رشی سونک، اطالوی وزیراعظم اور ارجنٹائن کے صدر سمیت دیگر ممالک کے رہنما نئی دلی پہنچ گئے ہیں۔
متحدہ عرب امارات کے صدر اور ابوظہبی کے حکمران شیخ محمد بن زاید النہیان، کینیڈا کے وزیر اعظم اور ترک صدر رجب طیب بھی پہنچ گئے ہیں۔
چین کے صدر شی جی پنگ اور اور روسی صدر ولادیمیر پوٹن کانفرنس میں نہیں آرہے۔ میکسیکو کے صدر بھی نہیں آرہے جبکہ چینی صدر نے پہلی بارجی 20 کانفنرس میں نہ جانے کا فیصلہ کیا ہے۔
واضح رہے کہ جی 20 اجلاس میں غریب ممالک کیلئے قرضوں میں ریلیف، موسمیاتی تبدیلی کے خلاف اقدامات، غذائی تحفظ بڑھانے پر بات کی جائے گی۔
اجلاس میں سعودی عرب کی امریکا، بھارت اور متحدہ عرب امارات کے رہنماؤں کیساتھ ایک انفراسٹرکچر ڈیل کا بھی امکان ہے۔
اس معاہدے کے تحت کے تحت خلیجی اور عرب ممالک ریلوے اور بندر گاہوں کے ذریعے بھارت سے جڑ پائیں گے۔
واضح رہے کہ جی 20 کانفرنس کے موقع پرنئی دہلی میں سوا لاکھ سیکیورٹی اہلکار تعینات کیے جارہے ہیں، تمام اسکول و سرکاری دفاتر بند رہیں گے۔
