سعودی عرب غیر قانونی ٹھیکے داروں سے نمٹنے کے لیے بیرون ملک سے مزدور بھرتی کرنے والے آجر پر 10 لاکھ رالب تک جرمانے عائد کرنے کا منصوبہ بنا رہا ہے۔
سعودی مملکت کی وزارت برائے انسانی وسائل نے بیرون ملک سے مزدور بلانے کے عمل کو ایک ڈرافٹ اسکیم کے تحت جرم قرار دینے کا منصوبہ بنایا ہے۔
اس منصوبے میں یہ شرط رکھی گئی ہے کہ بیرون ملک سے ایک یا ایک سے زیادہ کارکنوں کی بھرتی کی صورت میں انہیں ملازمتیں نہ ملنے پر آجر پر دو لاکھ سے دس لاکھ ریال تک جرمانہ کیا جائے گا۔
سعودی نیوز ویب سائٹ ”اخبار 24“ نے رپورٹ کیا کہ وزارت متعلقہ خلاف ورزیوں کا پتہ لگانے کی ذمہ دار ہوگی اور مجاز عدالت کے سامنے دائر مقدمات کو جانچنے کے لیے انہیں پبلک پراسیکیوشن کے حوالے کرے گی۔
اس حوالے سے وزارت برانئے انسانی وسائل کا کہنا ہے کہ لیبر سسٹم میں مجوزہ ترامیم کا مقصد فینٹم لیبر میں بروکریج کو مجرم قرار دینا ہے۔
