پاکستان میں فی تولہ سونے کا بھاؤ یکدم ہزاروں روپے مہنگا ہو کر تاریخ کی بلند ترین سطح پر پہنچ گیا۔
عالمی مارکیٹ میں سونا 2031 ڈالر فی اونس پر برقرار رہا، دوسری جانب ایک ہی دن میں اوپن مارکیٹ میں ڈالر 7 روپے مہنگا ہوا جس کا اثر صرافہ مارکیٹ پر بھی پڑا ہے۔
آل پاکستان جیمز اینڈ جیولرز ایسوسی ایشن کے مطابق فی تولہ سونا 9 ہزار 900 روپے کے بڑے اضافے کے بعد پہلی بار 2 لاکھ 40 ہزار روپے کی نئی بلندی پر پہنچ گیا۔
ایسوسی ایشن کے مطابق 10 گرام سونے کی قدر 8487 روپے اضافے سے 2 لاکھ 5 ہزار 761 روپے پر آگئی ہے۔
