خیبرپختونخوا کے شہر پشاور کی نمک منڈی میں برسوں سے قائم ریسٹورنٹ ’نثار چرسی‘ کے مالک کو ضمانت پررہا کردیا گیا ۔
پولیس افسر قاضی نثار کا کہنا ہے کہ غیر ملکی سیاحوں کے ساتھ غیر اخلاقی حرکات کرنے کے مقدمے میں گرفتار ہونے والے نثار خان کو ضمانت پر رہا کیا گیا ہے۔
سوشل میڈیا پر ایک ویڈیو وائرل ہوئی تھی، جس میں ریسٹورنٹ کے مالک کو غیر اخلاقی حرکات کرتے ہوئے دیکھا گیا تھا، جس پر پولیس نے کارروائی کرتے ہوئے انہیں گرفتارکیا تھا۔
نثار خان کو ویڈیوز میں ملکی اور غیر ملکی سیاحوں کے ساتھ غیر اخلاقی حرکات کرتے ہوا دیکھا گیا تھا اور ان کے خلاف مقدمہ بھی درج کیا گیا تھا۔
