شہبازگِل نے پی ٹی آئی کے منحرف رکن رمیش کمار وانکوانی سے ان کے گھر جاکر ملاقات کی اور اپنے نازیبا بیان پر معافی مانگ لی۔
شہباز گل نے اپنے نازیبا بیان پر معافی مانگتے ہوئے کہا کہ میں نے جو کہا آپ کو اس سے تکلیف پہنچی ہوگی، مجھے افسوس ہوا جو بھی ہمارے درمیان ہوا۔
شہباز گل کا کہنا تھا کہ مجھ پر درجنوں کیسز چل رہے ہیں، پاکستان میں اقلیتوں کے برابری کے حقوق ہیں۔
شہباز گل کی معافی پر رمیش کمار نے کہا کہ ”غلطی کا اعتراف کرنا اچھا ہے، آپ نے ٹی وی پر بیٹھ کر جو الفاظ کہے مجھے اس سے نقصان ہوا، آپ نے غلطی کا احساس کیا، جو گھر پر چل کر آئے اسے معاف کیا جاتا ہے۔“
Today @SHABAZGIL came to my home to apologize and express regret over the remarks he made about me on @DunyaNews. As it is our tradition in #Sindh, when someone comes to our home, we forgive them. Accordingly, I have instructed my lawyer @imaanzhazir to withdraw defamation case. pic.twitter.com/hSTp7fkygU
— Dr. Ramesh Vankwani (@RVankwani) February 11, 2023
پی ٹی آئی کے منحرف رکن رمیش کمار نے اعلان کیا کہ جب آپ کو احساس ہوگیا تو کیس کو ختم کرنا چاہیے، جو ہتک عزت کا کیس کیا تھا اس کو ختم کرتا ہوں۔
واضح رہے کہ گزشتہ سال شہباز گِل نے رمیش کمار کیلئے ٹی وی شو میں نازیبا الفاظ استعمال کیے تھے، جس کے بعد شہباز گل اور رمیش کے درمیان کیس اسلام آباد کچہری میں ہتک عزت کیس زیر التوا تھا۔
