پاکستان کے نامور گلوکارعلی ظفر نے سیاسی جماعت میں شمولیت کی خبروں کی تردید کرتے ہوئے ویڈیو پیغام جاری کردیا۔
علی ظفر آج کل کینیڈا میں کنسرٹ کر رہے ہیں، گزشتہ روز سے سوشل میڈیا پر علی ظفر کی پہنی ایک جیکٹ وائرل ہو رہی تھی جس پر شیر آیا شیر آیا درج تھا، ساتھ ہی اس جیکٹ پر بلے کی تصویر نمایاں تھی جس کے بعد سے ہی ان کی سیاسی جماعت میں شمیولیت کے حوالے سے بات کی جانے گئی ۔
تاہم ان افواہوں کی تردید اس وقت ہوئی جب علی ظفر نے اپنے ٹوئٹر اکاونٹ سے ایک ویڈیو پیغام جاری کیا۔ اس پر کیپشن دیا ہر چیز کو بغیر تحقیق کیے سیاسی رنگ دینا اور متنازعہ بنانا مناسب نہیں، غلط کے ساتھ شائع کی گئی تصویر کی اصل حقیقت۔
ہر چیز کو بغیر تحقیق کیے سیاسی رنگ دینا اور متنازعہ بنانا مناسب نہیں۔ غلط headline کے ساتھ شائع کی گئی تصویر کی اصل حقیقت۔ pic.twitter.com/hYTQu7IgmZ
— Ali Zafar (@AliZafarsays) May 1, 2023
پی ٹی آئی کے انتخابی نشان بلے کی ٹی شرٹ والی وائرل تصویر کے حوالے سے گلوکار کا کہنا تھا کہ انہوں نے ٹورنٹو میں اپنی پرفارمنس سے قبل یہ مزکورہ ٹی شرٹ پہنی تھی۔
علی ظفر نے ویڈیو میں ٹی شرٹ دکھاتے ہوئے واضح کیا کہ اس پر صرف بلے کا نشان نہیں بلکہ شیر اور دیگر بھی نشانات موجود ہیں۔
