محکمہ موسمیات نے اسلام آباد میں گرج چمک کےساتھ بارش کی پیشگوئی کردی۔
محکمہ موسمیات کے مطابق کل منگل کی شام کوبھی آندھی اورگرج چمک کیساتھ بارش کاامکان ہے ۔
محکمہ موسمیات نےکل کراچی میں بھی بارش کی پیشگوئی کردی،منگل کومیرپورخاص،ٹھٹھہ، بدین،مٹھی،حیدرآباد باد میں بارش کا امکان ظاہر کیا گیا ہے ۔
بدین،مٹھی،نگرپارکر،اسلام کوٹ میں آندھی اورگرج چمک کیساتھ بارش متوقع ہے ۔
دوسری جانب سمندری طوفان بائپر جوائے کے کیٹی بندر سے ٹکرانے کے امکانات کے پیش نظر ساحل کے قریبی دیہات خالی کروانے کا سلسلہ اور ہزاروں افراد کے انخلاء کا سلسلہ جاری ہے۔
سمندری طوفان بائپرجوائے خطرے کے باعث تھرپارکر میں ایمرجنسی نافذ کر دی گئی ہے، شکور جھیل اور رن کچھ کنارے پر آباد لوگوں کو محفوظ مقامات پر جانے کے احکامات بھی جاری کر دیے گئے ہیں۔
