اسلام آباد: سپریم کورٹ کی جانب سے سنی اتحاد کونسل کی مخصوص نشستوں سے متعلق کیس کا محفوظ شدہ فیصلہ آج جمعہ کو سنایا جائے گا۔
سپریم کورٹ میں مخصوص نشستوں سے متعلق محفوظ شدہ فیصلہ آج صبح ساڑھے نو بجے سنایا جائے گا۔ محفوظ شدہ فیصلہ چیف جسٹس کے ریگولر 3 رکنی بنچ میں سنایا جائے گا۔
رجسٹرار سپریم کورٹ کی جانب سے کاز لسٹ جاری کر دی گئی۔
اس سے قبل چیف جسٹس قاضی فائز عیسی کی زیر صدارت دوسرا مشاورتی اجلاس ہوا۔ اجلاس میں 13 رکنی فل کورٹ میں شامل تمام ججز شریک تھے۔
واضح رہے کہ فل کورٹ بنچ نے سنی اتحاد کونسل کی مخصوص نشستوں کے بارے میں گزشتہ روز بھی کم و بیش 2 گھنٹے مشاورت کی تھی۔
