مصری خاتون نے بے وفا شوہر سے طلاق پر ناصرف جشن منایا بلکہ سڑک پر کھڑے ہوکر راہ چلتے افراد کو سونے کے تحائف بھی تقسیم کیے۔ خاتون کا کہنا ہے کہ وہ اداس نہیں ہے، کیونکہ اس کی طلاق کی وجہ ازدواجی بے وفائی تھی۔
العربیہ کی ایک رپورٹ کے مطابق سوشل میڈیا پر مصری خاتون کی ویڈیو وائرل ہو رہی ہے جس میں انھیں شوہر سے علیحدگی اور عدت کے بعد سڑک پر جشن مناتے دیکھا گیا۔
خاتون نے ازدواجی بے وفائی کی کہانی اور اپنی طلاق پر نہ صرف خوشی منائی بلکہ راہ چلتے افراد کو سونے کے تحائف بھی پیش کیے۔
مصر میں سوشل میڈیا پر مصری خاتون کی وائرل ویڈیو پر صارفین کی اکثریت تنقید کر رہی ہے۔
ویڈیو میں دیکھا جاسکتا ہے کہ خاتون، جو ایک بڑے کیک کے پیچھے کھڑی ہے جس پر لکھا تھا ”طلاق مبارک ہو۔ طلاق پر مبارک ہو،“ خاتون ساتھ ہی کہتی ہے کہ اس نے خوشی کے موقع کو کیفے میں سونے کے انعامات تقسیم کرکے منانے کا فیصلہ کیا ہے۔
خاتون نے اپنی اس حرکت کی وضاحت پیش کرتے ہوئے کہا کہ وہ منفرد چیزیں کرنے کا رجحان رکھتی ہے، اس کا برج حمل اور اس کی شخصیت جنونی ہے۔
طلاق ہونے پر خوش ہونے والی مصری خاتون نے مزید بتایا کہ وہ اداس نہیں ہے، کیونکہ اس کی طلاق کی وجہ ازدواجی بے وفائی تھی جسے وہ بالکل قبول نہیں کرسکتی تھی۔
