وزیر اعظم شہباز شریف نےملکی سیاسی صورتحال پر اتحادی جماعتوں سے مشاورت کا فیصلہ کر لیا۔
ذرائع کے مطابق وزیراعظم شہبازشریف حکومتی اتحادیوں کے ارکان پارلیمنٹ سے ملاقات کریں گے، پاکستان مسلم لیگ ن، پیپلزپارٹی کے ارکان قومی اسمبلی و سینیٹ ملاقات کریں گے۔
ذرائع نے بتایا ہے کہ ایم کیو ایم پاکستان، استحکام پاکستان پارٹی، نیشنل پارٹی، مسلم لیگ ضیا کے ارکان شرکت کریں گے۔ذرائع نے مزید بتایا کہ وزیراعظم شہبازشریف اتحادی جماعتوں کے ارکان کو موجودہ سیاسی حالات پر اعتماد میں لیں گے۔
وزیراعظم کی جانب سے قومی اسمبلی اور سینیٹ میں قانون سازی اور سیاسی امور پر بریفنگ ہوگی۔ذرائع نے بتایا کہ وزیراعظم شہبازشریف تمام ارکان پارلیمنٹ کو سیاسی حکمت عملی پر خصوصی ہدایات جاری کریں گے۔
