اسلام آباد: مسلم لیگ ن کے رہنما رانا ثنا اللہ نے کہا ہے کہ جمعیت علمائے اسلام (جے یو آئی) ف کے رہنما مولانا فضل الرحمان کی نشاندہی کردہ کچھ باتوں کو ہم جائز سمجھتے ہیں۔
مسلم لیگ ن کے رہنما رانا ثنا اللہ نے میڈیا سے گفتگو کرتے ہوئے کہا کہ آج بھی مولانا فضل الرحمان کے ساتھ مثبت بات چیت ہوئی ہے اور ہم مولانا فضل الرحمان سے رہنمائی لیتے رہیں گے۔
انہوں نے کہا کہ مولانا فضل الرحمان نے کچھ باتوں کی نشاندہی کی ہے جو ہم سمجھتے ہیں کہ وہ جائز باتیں ہیں۔
رانا ثنا اللہ نے کہا کہ بعض اوقات چیزیں وقت پر نہ کرنے سے غلط فہمیاں پیدا ہوتی ہیں اور ایسی چیزوں پر پارٹی قیادت سے بات کر کے ازالہ کریں گے۔
