حکومت نے اگلے 15 دنوں کیلئے پٹرولیم مصنوعات کی نئی قیمتوں کا اعلان کردیا۔
پٹرول کی قیمت میں فی لٹر 7 روپے 45 پیسے اضافہ کیا گیا۔ڈیزل کی قیمت میں 9 روپے 56 پیسے فی لٹر اضافہ کیا گیا۔لائٹ ڈیزل کی قیمت میں 9 روپے 88 پیسے اضافہ کیا گیا۔اس کے علاوہ مٹی کے تیل کی قیمت میں 10 روپے 5 پیسے فی لٹر اضافہ کیا گیا ہے۔
پٹرولیم مصنوعات کی نئی قیمتوں کا اطلاق یکم جولائی سے ہوگا، نوٹیفکیشن جاری کردیا گیا۔
دوسری جانب پچھلے مالی سال کے دوران پٹرولیم مصنوعات کی قیمتوں کےسارے ریکارڈ ٹوٹ گئے۔پچھلے مالی سال شہری ملکی تاریخ کاسب سے مہنگا پٹرول اورڈیزل خریدنے پر مجبوررہے،آئی ایم ایف شرائط کے تحت ملکی تاریخ میں پہلی بار پٹرول اورڈیزل کےفی لٹر پر60روپےلیوی عائد کی گئی۔
یکم جولائی 2023 سے شروع اور 30 جون 2024 کو ختم ہونے والے مالی سال کے دوران پٹرولیم مصنوعات کی قیمتوں میں خالص اضافہ فی لٹر 9روپے 72 پیسے تک بنتا ہےجبکہ اس وقت ڈیزل اورپٹرول کے فی لٹر پر60،60روپےکے حساب سےلیوی عائد ہے۔
16ستمبر 2023کونگران حکومت میں پٹرول اور ڈیزل کی قیمتیں ملکی تاریخ کی بلند ترین سطح پرجاپہنچی تھیں جب فی لٹر پٹرول کی قیمت سب سےزیادہ331روپے 38پیسے اورفی لٹر ڈیزل کی قیمت سب سے زیادہ 329 روپے18پیسےہوگئی تھی۔
