پاکستان مسلم لیگ ن کے مرکزی رہنما و وفاقی وزیر خزانہ اسحق ڈار نے عوام کو معشیت کے حوالے سے خوشخبری سناتے ہوئے 2025 تک مہنگا ئی کی شرح سات فیصد تک ہونے کی پیش گوئی کی ہے۔
انہوں نے کہا کہ پاکستان کو آئی ایم ایف بورڈ اجلاس منظوری کے 24 گھنٹوں کے اندر ایک عشاریہ 19 بلین ڈالرز منتقل ہو جائیں گے۔
اسحاق ڈار نے کہا کہ پاکستان 2023 میں انشاء اللہ جی ٹوئنٹی کلب میں شامل ہو جائے گا۔
انہوں نے کہا ہے کہ ہماری پہلی ترجیح ہے کہ پاکستان کو 24 ویں معاشی قوت بنائیں، دو سالوں بعد پاکستان کی معاشی صورت حال بہترہو جائے گی جبکہ مہنگائی کی شرح 7 فیصد تک آجائے گی۔
خیال رہے کہ سعودی عرب کی جانب سے پاکستان کو 2 ارب ڈالرز منتقل ہوئے ہیں جس کے بعد پاکستان کی معیشت میں پہلے سے بہتری آئی ہے۔
