پاکستان تحریک انصاف کے مرکزی رہنما فواد چودھری واش روم کی ٹونٹی اور پائپ چوری کرنے کے مقدمے میں نامزد ہیں یا نہیں؟ گھمبیر مسئلہ بن گیا۔
سوشل میڈیا پر وائرل ایک مقدمے کا حوالہ دے کر دعویٰ کیا جا رہا ہے کہ پنجاب پولیس نے فواد چودھری پر اسکول کی ٹونٹی اور پائپ چوری کرنے کا مقدمہ درج کر لیا ہے۔
جس پر ملتان پولیس کے ترجمان نے مقدمے کی تصویر شیئر کرتے ہوئے واضح کیا ہے کہ اس مقدمے پر کسی کو بھی نامزد نہیں کیا گیا اور اس ٹوئٹ میں صداقت نہیں ہے۔
دوسری جانب فواد چوددھری نے مقدمے سے متعلق ٹوئٹ پر حیرانی کا اظہار کیا ہے۔
