پاکستان اورترکیہ میں اہم مذاکرات آج انقرہ میں ہوںگے سیکیورٹی، معاشی،سیاسی شعبوں میں تعاون کا جائزہ لیا جائےگا، ترجمان

پاکستان اور ترکیہ کے درمیان اہم مذاکرات آج ترک دارالحکومت انقرہ میں ہوں گے، پاکستانی وفد کی قیادت سیکرٹری خارجہ ڈاکٹراسد مجید کریں گے۔

ترجمان کے مطابق سیکیورٹی، معاشی،سیاسی شعبوں میں تعاون کا جائزہ لیا جائےگا اور پاک ترک ہائی لیول کوآرڈینیشن کونسل کے اجلاس پرمشاورت ہوگی۔

پاک ترک مذاکرات میں ترکیہ کے وفد کی قیادت ڈپٹی وزیرخارجہ براک اکسپارکریں گے، جبکہ پاک ترک ہائی لیول کوآرڈینیشن کونسل کا اجلاس اسلام آباد میں ہوگا۔