اسلام آباد پاکستان مسلم لیگ (ن) کے مرکزی رہنما اور سابق وفاقی وزیر خزانہ مفتاح اسماعیل نے کہا ہے کہ پاکستان کے پاس کوئی آپشن بی نہیں ہے، آئی ایم ایف آخری آپشن ہے۔
انہوں نے نجی ٹی وی سے گفتگو کرتے ہوئے کہا کہ جو آپشن ’بی‘ کی بات کرتے ہیں وہ غلط بات کرتے ہیں، جب کوئی پیسے نہیں دیتا تو سب آئی ایم ایف کے پاس ہی جاتے ہیں۔
ایک سوال کے جواب میں ن لیگ کے مرکزی رہنما مفتاح اسماعیل نے کہا کہ خواجہ آصف کی عزت کرتا ہوں، انہوں نے سیاسی کیریئر میں بڑی مدد کی ہے۔
سابق وفاقی وزیر خزانہ مفتاح اسماعیل نے کہا کہ خواجہ آصف کے ٹوئٹ پر میں نے ان کو پرائیویٹ میں جواب دیا ہے، اسلام آباد میں ان سے ملاقات کروں گا۔
