پشاور پولیس نے جرائم پیشہ خواتین کی تصاویر بی آر ٹی اسٹیشنز میں آویزاں کر دیں۔
پشاور میں بی آر ٹی بس میں چوری کی بڑھتی وارداتوں کے پیش نظر پولیس نے یہ اہم اقدامت اٹھایا۔ ایس ایس پی آپریشنز کاشف ذوالفقار نے بتایا کہ پولیس نے وارداتوں میں ملوث خواتین کی تصاویر ڈسپلے کردیں ، 23 خواتین کی تصاویر بی آر ٹی کی ڈیجیٹل اسکرینز پر چلائی جا رہی ہیں۔
ایس ایس پی آپریشنز کے مطابق تصاویر ان خواتین کی ہیں جو بی آر ٹی میں مسافر خواتین سے پرس چھیننے میں ملوث ہیں، متعلقہ خواتین موبائل فونز اور دیگر سامان کی چوری میں بھی ملوث ہیں۔
پولیس نے چوری میں ملوث خواتین کی گرفتاری میں عوام سے بھی مدد مانگ لی۔
