پاکستان تحریک انصاف نے عمران خان کی جانب سے پنجاب اسمبلی کے الیکشن کے لئے امیدوار کے نام فائنل کرنے کی تردید کردی۔
ایک بیان میں رہنما تحریک انصاف مسرت جمشید چیمہ نے ایک ٹویٹ میں لکھا کہ میڈیا و سوشل میڈیا پر پارٹی ٹکٹس کے حوالے سے جو خبریں اور لسٹیں چل رہی ہیں وہ حقیقت پر مبنی نہیں۔
مسرت چیمہ کا کہنا تھا کہ جب بھی ٹکٹس فائنل ہوں گی تو چئیرمین خود اس کا اعلان کریں گے، پارٹی میں ٹکٹس کے حوالے سے مشاورت چل رہی ہے اور کسی بھی امیدوار یا ممبر کو ابھی تک کنفرمیشن نہیں دی گئی۔
میڈیا و سوشل میڈیا پر پارٹی ٹکٹس کے حوالے سے جو خبریں اور لسٹیں چل رہی ہیں وہ حقیقت پر مبنی نہیں ہیں. جب بھی ٹکٹس فائنل ہوں گی تو چئیرمین خود اس کا اعلان کریں گے. پارٹی میں ٹکٹس کے حوالے سے مشاورت چل رہی ہے اور کسی بھی امیدوار یا ممبر کو ابھی تک کنفرمیشن نہیں دی گئی
— Musarrat Cheema (@MusarratCheema) March 4, 2023
خیال رہے کہ کے لئے خبر سامنے آئی تھی کہ چیئرمین پی ٹی آئی عمران خان نے لاہور سے پارٹی امیدواروں کو فائنل کرتے ہوئے حماد اظہر کو پنجاب کے میدان میں اتارنے کا فیصلہ کیا ہے۔
دوسری جانب سابق وزیراعلیٰ پنجاب اور رہنما پی ٹی آئی چوہدری پرویز الٰہی نے ٹوئٹر پر جاری بیان میں کہا کہ ”عمران خان نے الیکشن مہم کا آغاز کردیا، اب وہ وقت دور نہیں جب وہ وزیراعظم ہوں گے۔“
عمران خان نے الیکشن مہم کا آغاز کر دیا، اب وہ وقت دور نہیں جب وہ وزیر اعظم ہونگے۔
— Ch Parvez Elahi (@ChParvezElahi) March 4, 2023
پرویز الٰہی نے کہا کہ ملکی معیشت کا بیڑہ غرق شہباز شریف ٹولے نے کیا اور الزام عمران خان پر لگا رہے ہیں، یہ عوام کے غضب سے نہیں بچ سکتے، مریم نواز عدلیہ اور اداروں پر تنقید کر کے کیا حاصل کرنا چاہتی ہیں۔
سابق وزیراعلیٰ نے کارکنان کو الیکشن کی تیاری کی ہدایت دیتے ہوئے کہا کہ پنجاب میں الیکشن کی تاریخ آ چکی، کارکن تیاری شروع کر دیں، موجودہ مسائل کا واحد حل انتخابات ہی ہیں۔
پی ٹی آئی رہنما نے کہا کہ نگران حکومت اپنے اختیارات سے تجاوز کر رہی ہے، مشکل معاشی حالات میں ملک ڈوبا ہوا ہے اور پی ڈی ایم ٹولے کے غیر ملکی دورے ختم نہیں ہو رہے۔
پنجاب میں الیکشن کی تاریخ آ چکی کارکن تیاری شروع کر دیں. موجودہ مسائل کا واحد حل انتخابات ہی ہیں۔حکمرانوں کو اپنے کیے کا حساب عوام کودینا ہو گا، نگران حکومت اپنے اختیارات سے تجاوز کر رہی ہے۔مشکل معاشی حالات میں ملک ڈوبا ہوا ہے اور PDMٹولہ کے غیرملکی دورے ختم نہیں ہو رہے۔
— Ch Parvez Elahi (@ChParvezElahi) March 4, 2023
