گیس چوری کرکے مختلف گوٹھوں کو سپلائی کی جا رہی تھی، ترجمان سوٸی سدرن گیس
سوئی سدرن گیس نے کراچی کے علاقے گھگھر پھاٹک میں بڑی کارروائی کے دوران چوروں کا بڑا نیٹ ورک پکڑلیا۔
ترجمان سوئی سدرن گیس کے مطابق 24 انچ قطر کی مین ٹرانسمیشن لاٸن کو کلیمپ لگا کر گیس چوری کی جارہی تھی اور گیس قادر گوٹھ، صابو گوٹھ، پیر بخش گوٹھ اور محمود گوٹھ کو فراہم کی جا رہی تھی۔
ترجمان کے مطابق گیس کی کارواٸی کرنے کیلئے قاٸم کرده ڈپارٹمینٹ سی جی ٹی او اور گیس ٹرانسمیشن کے اہلکاروں نے کریک ڈاؤن کیا۔
ترجمان سوٸی سدرن گیس کے مطابق چھاپہ مار ٹیم نے چوری میں استعمال ہونے والا ربڑ پاٸپ، لوہے کے پاٸپس، کلپس اور دیگر سامان اپنے تحویل میں لے لیا
ترجمان کے مطابق ملزمان کے خلاف ایف آئی آر درج ہوگی اور چوری شدہ گیس لوڈ کے حساب سے جرمانہ عائد کیا جائے گا۔
