شہر قائد میں 24 گنٹوں کے دوران 30 افراد میں کورونا وائرس کی تشخیص ہوئی ہے۔
محکمہ صحت سندھ کے مطابق صوبے میں 24 گھنٹوں کے دوران کورونا کے 31 کیسز رپورٹ ہوئے، کراچی میں 30 اور حیدر آباد میں کورونا ایک نیا کیس سامنے آیا ہے۔
محکمہ صحت سندھ کا کہنا ہے کہ ایک ہفتے میں کراچی میں کورونا کے 262 کیسز رپورٹ ہوئے جب کہ شہر میں کورونا مثبت کیسز کی شرح 28.30 فیصد تک پہنچ گئی۔
واضح رہے کہ نینشل کمانڈ اینڈ آپریشنل سینٹر (این سی او سی) کورونا وائرس کے اچانک بڑھتے کیسز کے باعث ملک بھر میں 30 اپریل تک اسپتالوں سمیت ہجوم والی جگہوں پر ماسک کے استعمال کو لازمی قرار دے چکا ہے۔
