ویرات کوہلی کی اہلیہ انوشکا شرما نے ایک بار پھر ثابت کر دیا ہے کہ وہ ان کی سب سے بڑی چیئر لیڈر ہیں۔
آئی سی سی ورلڈ کپ 2023 کا پہلا سیمی فائنل 15 نومبر کو بھارت اور نیوزی لینڈ کے درمیان کھیلا گیا، اس دوران ویرات کوہلی نے اپنی تیسری سنچری اسکور کی جوکہ ان کی 50ویں ون ڈے سنچری بھی تھی، تو اسٹینڈز میں موجود ان کی اہلیہ انوشکا شرما نے ان پر ہوائی بوسوسں کی بارش کردی۔
صرف انوشکا ہی نہیں بلکہ فٹ بال اسٹار ڈیوڈ بیکھم نے بھی ویرات کی کامیابی کو سراہتے ہوئے ان کے لیے تالیاں بجائیں۔
#WATCH : Overjoyed Anushka Sharma drowns Virat Kohli in kisses as he hits record 50th ODI century#anushkasharma #ViratKohli𓃵 #Kiss #ViratKohli #INDvsNZ #IndiaVsNewZealand #CWC23 #CWC2023 #latestnews #BREAKING_NEWS pic.twitter.com/tOuC3v8Pmx
— upuknews (@upuknews1) November 15, 2023
اس سےقبل انوشکا شرما نے اپنے انسٹاگرام پر آئی سی سی کی ایک ویڈیو شیئر کی تھی۔
ویڈیو میں ویرات کو چھکا لگانے کی کوشش کرتے دکھایا گیا تھا۔
انوشکا نے ویڈیو کے کیپشن میں لکھا، ’ہمیشہ آپ پر فخر ہے‘۔
دریں اثنا، گزشتہ چند ہفتوں سے ویرات اور انوشکا دوبارہ والدین بننے کی خبریں سامنے آنے کے بعد خبروں میں ہیں۔ وہ ایک بچی وامیکا کے والدین ہیں۔
