معروف بھارتی اداکارہ گوہر خان نے بھی اسرائیل کے خلاف فلسطین کے حق میں بیان دے دیا ہے۔
تفصیلات کے مطابق اداکارہ گوہر خان نے فلسطینیوں کی حمایت میں سوشل میڈیا پر پیغام جاری کرتے ہوئے دنیا کی توجہ اس جانب مبذول کروائی ہے۔
انہوں نے سوشل میڈیا پر لکھا ہے کہ ظالم کب سے مظلوم ہو گیا؟ ظلم و ستم کی سالہا سال تاریخ سے اندھی دنیا کے لیے اب دیکھنا آسان ہو گیا ہے۔
دوسری جانب بھارتی اداکارہ نشرت بھروچا اسرائیل سے واپس بھارت پہنچ گئیں۔
بھارتی میڈیا کے مطابق اداکارہ نشرت بھروچا اسرائیل میں پھنسے رہنے کے بعد بالآخر ممبئی پہنچ گئیں ہیں۔ وہ حیفا انٹرنیشنل فلم فیسٹیول میں شرکت کیلئے وہاں گئی تھیں۔
قبل ازیں نشرت کی ٹیم رکن سنچیتا ترویدی نے بتایا تھا کہ ادکارہ سے رابطہ کر لیاہےاورانہیں بحفاظت اسرائیل کے ائیر پورٹ پہنچادیا گیا ہے۔
ٹیم رکن کا کہنا تھا کہ ہماری پوری کوشش ہے کہ نشرت بھروچا کسی بھی فلائٹ سے جلد ہی خیریت سے بھارت واپس پہنچ جائیں۔
Since when did the oppressor become the oppressed ????? Convenient eyesight of the world !!!!! Blind to years n years of history of oppression .
— Gauahar Khan (@GAUAHAR_KHAN) October 7, 2023
