مقتول ریحان گھر میں تنہا رہائش پذیر اورمنشیات کا عادی تھا، کسی ساتھی نے قتل کیا ہے،پولیس
کراچی کے علاقے نیوکراچی سیکٹر فائیو ای میں گھر سے ضعیف شخص کی تشدد زدہ لاش ملی ہے،مقتول ریحان گھر میں تنہا رہائش پذیر اورمنشیات کا عادی تھا، لاش آٹھ سے دس گھنٹے پرانی معلوم ہوتی ہے۔
پولیس کے مطابق مقتول ریحان کے ہاتھ بندھے ہوئے تھے،اسے گلے میں کپڑے سے پھندا لگا کر قتل کیا گیا ہے، گھر کا دروازہ کھلا ہوا تھا اور سامنے لاش پڑی تھی،گلی میں کھیلنے والے بچوں نے لاش دیکھ کر پولیس کو اطلاع دی ہے۔
پولیس کوشبہ ہے کہ مقتول ریحان کے کسی ساتھی منشیات کے عادی شخص یا افراد نے قتل کیا ہے،جائے وقوعہ سے شواہد اکٹھا کر کے تفتیش شروع کردی گئی ہے۔
