پاکستان ٹیلی کمیونیکیشن اٹھارٹی پی ٹی اے نے اداروں اور فری لانسرز کیلئے وی پی این رجسٹریشن کا عمل آسان کر دیا۔
پی ٹی اے کے مطابق ادارے اور فری لانسرز پی ٹی اے کی ویب سائٹ پر وی پی اینز باآسانی رجسٹرڈ کر سکتے ہیں۔رجسٹریشن کیلئے آن لائن فارم مکمل اور بنیادی تفصیلات فراہم کرنا اہم ہے۔
پی ٹی اے کا کہنا ہے کہ شناختی کارڈ نمبر، کمپنی کی رجسٹریشن کی تفصیلات اور ٹیکس دہندہ کی حیثیت شامل ہیں۔فری لانسرز کو اپنے پروجیکٹ یا کمپنی کے ساتھ وابستگی کی تصدیق کیلئے ثبوت فراہم کرنا ہوں گے۔
پی ٹی اے کے مطابق درخواست دہندگان کو وی پی این کنیکٹیویٹی کیلئے آئی پی ایڈریس بھی فراہم کرنا ہوگا، فکسڈ آئی پی ایڈریس کی صورت میں اسے انٹرنیٹ سروس پرووائیڈر سے حاصل کیا جا سکتا ہے۔
پی ٹی اے کے مطابق درخواست جمع کرانے کے 8 سے 10 گھنٹوں کے اندر منظوری کا عمل مکمل ہو جائے گا۔اب تک 20 ہزار سے زائد کمپنیاں اور فری لانسرزاپنے وی پی اینز رجسٹر کروا چکے۔
کمرشل مقاصد کیلئے وی پی این استعمال کرنے والےفری لانسر کی کیٹیگری کے تحت درخواست دے سکتے ہیں۔مطلوبہ معلومات سمیت امپلائر سے متعلقہ ثبوت بھی فراہم کرنا ہوں گے۔
