کراچی چڑیا گھر میں موجود بیمار ہتھنی کے علاج کے لیے آنے والی ڈاکٹروں کی ٹیم نے ہتھنی کا معائنہ کرلیا ہے۔
عامرخلیل نے کہا کہ ڈاکٹرز ٹیم نے ہاتھی کا معائنہ کیا ہے ایکسرے بھی کیے جارہے ہیں اور ہرممکن کوشش کر رہے ہیں کہ ہتھنی صحتیاب ہوجائے۔
@fourpaws کی ٹیم کراچی چڑیا گھر میں بیمار ہتھنی نور جہاں کا معائنہ کر رہی ہے۔
جانوروں کے ڈاکٹروں کی ٹیم نور جہاں کا اینڈوسکوپک معائنہ، ایکسرے، الٹراساؤنڈ اور اضافی لیبارٹری ٹیسٹ کرے گی۔
مزید پڑھیے 🔗 https://t.co/BdX7hBjiZI#AajNews #KarachiZoo pic.twitter.com/zYeXrCpzJc— Aaj TV Urdu (@Aaj_Urdu) April 5, 2023
انہوں نے کہا کہ 2 گھنٹے کامعائنہ کا وقت ہے ہاتھی کو کرین کی مدد سے سہارا دے کر کھڑا کیا گیا اور ہمیں انتظامیہ کی مکمل سپورٹ اور حمایت حاصل ہے۔
دوسری جانب گورنرسندھ کامران ٹسوری نے چڑیا گھرمیں اسپتال بنانے کی منظوری دیدی ہے۔
گورنرسندھ نے کہا کہ 25 دن پہلے معلوم ہوا کہ ہتھنی کی طبیعت ناساز ہے، مقامی، ویتنام، جرمنی، آسٹریا کے ڈاکٹرزعلاج کررہے ہیں۔
مزید کہا کہ 14سال سے ہتھنی ملکہ نور جہاں نے بچوں کولطف اندوزکیا جبکہ چڑیا گھر کے مسائل حل کیے جا رہے ہیں۔
کامران ٹسوری نے کہا کہ چڑیا گھر میں 3 ماہ میں اسپتال بنایا جائے گا جس کی سمری دیدی گئی ہے۔
واضح رہے کہ بیمار ہتھنی نور جہاں کے معائنے اور علاج کے لیے بین الاقوامی ادارے فور پاز کے ڈاکٹروں پر مشتمل چھ رکنی ٹیم کراچی چڑیا گھر پہنچی تھی۔
نورجہاں گزشتہ تین ماہ سے پیٹ کے نچلے حصے میں سوجن کے باعث سخت تکلیف اور اذیت کا شکار ہے، جس کا علاج شروع کردیا گیا۔
