شالیمار ایکسپریس نے کراچی سے لاہور تک کے مسافروں کے لئے کرائے میں 20 فیصد کی غیر معمولی کمی کا اعلان کردیا۔
شالیمار ٹرین کی جانب سے مسافروں کے اچھی خبر ہے کہ کراچی اور لاہور کے درمیان چلنے والی شالیمار ایکسپریس کے کرایوں میں کمی کا اعلان کردیا گیا ہے، اور اس حوالے سے نوٹیفکیشن بھی جاری کردیا گیا ہے۔
ترجمان ریلوے کی جانب سے جاری نوٹیفکیشن کے مطابق یکم سے 15 مئی تک شالیمار ایکسپریس میں سفر کرنے والے افراد کیلئے کرائے میں 20 فیصد رعایت ہوگی، جب کہ 16 سے 31 مئی تک سفر کرنے والوں کو کرائے میں 10 فیصف رعایت دی جائے گی۔
ترجمان ریلوے کے مطابق کرائے میں کمی کا اطلاق تمام کلاسز کی ٹکٹوں پر ہو گا، اور رعایت کا اطلاق ایڈوانس اور کرنٹ بکنگ پر بھی ہو گا، جب کہ پہلے سے ریزرو کرائی گئی ٹکٹس پر رعایتی کرایہ ریفنڈ کیا جائے گا۔
