عالمی مارکیٹ میں فی اونس سونے کی قیمت میں 17 ڈالر کا اضافہ جب کہ پاکستان میں فی تولہ سونے کی قیمت میں 2200 روپے کی کمی ہوگئی۔
بین الاقوامی بلین مارکیٹ میں سونے کی فی اونس قیمت میں 17 ڈالر کا اضافہ ہوا اور عالمی مارکیٹ میں فی اونس سونے کی قیمت 1929 ڈالر کی سطح پر پہنچ گئی۔
دوسری جانب پاکستانی صرافہ مارکیٹوں میں مسلسل دوسرے روز بھی سونے کی فی تولہ اور دس گرام قیمت میں بالترتیب 2200 روپے اور 1887 روپے کی کمی ہوئی۔
قیمتوں میں کمی کے نتیجے میں کراچی، حیدرآباد، ملتان، لاہور، پشاور، راولپنڈی، اسلام آباد، فیصل آباد اور کوئٹہ کی صرافوں مارکیٹوں میں فی تولہ سونے کی قیمت کم ہوکر 2 لاکھ 5 ہزار روپے ہوگئی، جب کہ 10 گرام سونے کی قیمت گھٹ کر1 لاکھ 75 ہزار 754 روپے ہوگئی۔
