ابو ظہبی گھومنے کا بہترین موقع، ہوٹلوں اور ریستورانوں کی فیسوں میں کمی کا اعلان چھٹیاں منانا چاہتے ہیں تو اس سے اچھا موقع نہیں ملے گا۔

متحدہ عرب امارات کے دارالحکومت ابوظہبی کے محکمہ ثقافت اور سیاحت نے سیاحت کو مزید فروغ کے لیے جمعہ کو ہوٹل اور ریسٹورنٹ کی فیس میں کمی کا اعلان کیا ہے۔

محکمہ ثقافت اور سیاحت کے مطابق یکم ستمبر سے سیاحوں کے لیے سیاحتی فیس میں 6 سے 4 تک کمی کی جائے گی، جبکہ فی کمرہ، فی رات کی فیس 15 اماراتی درہم سے بھی کم کی جائے گی۔

اسی طرح ہوٹل اور ریستورانوں پر سے 6 فیصد سیاحت اور 4 فیصد میونسپلٹی فیس کا اطلاق ختم کیا جائے گا۔ تاہم، صارفین کی مجموعی رسید کی بنیاد پر 4 فیصد میونسپلٹی فیس برقرار رہے گی۔

Changes to government fees applied to hotel establishments in the emirate will take effect from 1 September 2023, part of ongoing efforts to further stimulate and enhance the investment environment for Abu Dhabi’s hospitality sector. pic.twitter.com/WbPdVd79ew

— Department of Culture and Tourism – Abu Dhabi (@dctabudhabi) August 11, 2023

ابوظہبی ایگزیکٹو کونسل کی جانب سے منظور کیا گیا یہ اقدام ابوظہبی کی ساکھ کو عالمی سیاحتی مقام کے طور پر مستحکم کرنے کیلئے اٹھایا جارہا ہے۔

شہر کے میڈیا آفس نے ابوظہبی میں سیاحت، ثقافت اور مہمان نوازی کو مسلسل بہتر بنانے کے لیے محکمے کے عزم کا اعادہ کیا۔

اس ہفتے جاری ہونے والے سرکاری اعداد و شمار کے مطابق، ابوظہبی میں گزشتہ سال 18 ملین سیاح آئے۔ شہر کے تین سب سے مشہور ثقافتی مقامات لوور ابوظہبی، کلچرل فاؤنڈیشن، اور قصر الحسن تھے۔

دارالحکومت میں راتوں رات آنے والوں کی تعداد میں پچھلے سال کے مقابلے 24 فیصد اضافہ ہوا جو بڑھ کر 4.1 ملین ہو گئی۔

ابوظہبی میں قیام کا اوسط عرصہ تین راتیں رہا، اور ہوٹل میں رہائش کی شرح اوسطاً 70 فیصد ہے، جو کہ مشرق وسطیٰ کی اوسط سے زیادہ ہے۔