نگراں وزیراعلیٰ پنجاب محسن نقوی نے لاہور کے لبرٹی چوک میں پاکستان کے سب سے اونچے پرچم بنانے کے منصوبے کا سنگ بنیاد رکھ دیا۔
محسن نقوی کا کہنا ہے کہ اس منصوبے پر تمام خرچ پرائیویٹ سیکٹر کرے گا، حکومت کا اس پر ایک روپیہ بھی خرچ نہیں ہوگا۔
انھوں نے کہا کہ آج پوری قوم آزادی کا جشن منا رہی ہے، آج کے دن سیاسی جماعتوں سے سیاسی ریلی نہ نکالنے کی خواہش کا اظہار کیا تھا۔
یوم آزادی پر عوام میں جوش و جذبہ پایا جاتا ہے، شہریوں نے جشن آزادی کو شایان شان طریقے سے منایا۔ گھروں، گلیوں اور محلوں کو سبز ہلالی پرچموں اور جھنڈیوں سے سجایا گیا۔
