ناظم جوکھیو قتل کیس کے ملزم جام اویس گہرام کو نا اہل قرار دینے کے لیے سندھ ہائی کورٹ میں درخواست دائر کردی گئی۔
صحافی ناظم جوکھیو قتل کیس کے مرکزی ملزم جام اویس گہرام کو نا اہل قرار دینے کے لیے سندھ ہائی کورٹ میں درخواست دائر کردی گئی ہے۔
درخواست بریسٹر علی طاہر کی جانب سے دائر کی گئی ہے، جس میں موقف پیش کیا گیا ہے کہ جام اویس نے دیت کی رقم ادا کردی ہے، اور دیت کی رقم ادا کرنے کے بعد جام اویس صادق وامین نہیں رہے۔
درخواست گزار نے استدعا کرتے ہوئے موقف اختیار کیا ہے کہ ملزمان کے با اثر ہونے کی وجہ سے پولیس نے ٹھیک تفتیش نہیں کی، عدالت سے استدعا ہے کہ جام اویس کو نا اہل قرار دیا جائے۔
