مسلم لیگ ن کی رہنما مریم اورنگزیب نے کہا ہے کہ نوازشریف نے وزیراعظم کے عہدے کیلئے شہبازشریف کو نامزد کر دیا ہے۔
مریم اورنگزیب نے سماجی رابطے کی ویب سائٹ ایکس پر ٹوئٹ کرتے ہوئے کہا کہ وزیراعلیٰ پنجاب کے عہدے کیلئےمریم نوازشریف کو نامزد کیا گیاہے،نوازشریف نے عوام اور سیاسی تعاون فراہم کرنے والی تمام سیاسی جماعتوں اور قائدین کا شکریہ ادا کیا۔
قائد ن لیگ نوازشریف کا اس موقع پر کہنا تھا کہ فیصلوں کے نتیجے میں پاکستان معاشی خطرات، عوام مہنگائی سے نجات پائیں گے۔
قبل ازیں میڈیا سے گفتگو کرتے ہوئے مسلم لیگ ن کے صدر شہبازشریف نے یہ اعلان کیا تھا کہ نوازشریف مسلم لیگ ن کی طرف سے وزیر اعظم کے امیدوار ہونگے۔
پاکستان مسلم لیگ (ن) کے قائد جناب محمد نوازشریف نے وزیراعظم اسلامی جمہوریہ پاکستان کے عہدے کےلئے جناب محمد شہبازشریف کو نامزد کر دیا ہے جبکہ وزیراعلی پنجاب کے عہدے کےلئے محترمہ مریم نوازشریف کو نامزد کیا ہے۔ جناب محمد نوازشریف نے پاکستان کے عوام اور سیاسی تعاون فراہم کرنے والی…
— Marriyum Aurangzeb (@Marriyum_A) February 13, 2024
