وزیراعلیٰ پنجاب مریم نواز شریف نے ہندو برادری کے لیے ہولی پیکج کا اعلان کر دیا۔
وزیراعلیٰ ہاؤس کی جانب سے جاری پریس ریلیز کے مطابق ہندو برادری کے 700 خاندانوں کو ہولی پیکج کے تحت فی کس 10 ہزار روپے دیئے جائیں گے۔ ترجمان وزیر اعلیٰ ہاؤس پنجاب کے مطابق فنڈز کا اجراء کر دیا گیا ہے اور فنڈزتقسیم کے لئے متعلقہ ڈپٹی کمشنرز کو پہنچا دیئے گئے ہیں۔
خیال رہے کہ 2023 کی مردم شماری کے مطابق پاکستان میں ہندوؤں کی تعداد 22 لاکھ 10 ہزار سے زائد ہے۔ یہ اعداد و شمار قومی ڈیٹا بیس رپورٹ کی بنیاد پر رجسٹرڈ ہندو آبادی کی نمائندگی کرتے ہیں۔ پاکستان کی کل آبادی تقریبا 241.49 ملین ریکارڈ کی گئی تھی۔
واضح رہے کہ ہولی ایک ہندو تہوار ہے جسے رنگوں، محبت اور بہار کے تہوار کے طور پر جانا جاتا ہے۔
