شہر قائد میں آٹا سستا فروخت کرنے پر بھی پابندی لگ گئی ، کمشنر کی ٹیم نے ایک دکاندار پر جرمانہ کر دیا۔
کراچی کے علاقے جوڑیا بازار میں سستا آٹا فروخت کرنے پر کمشنر کی ٹیم نے دکان دار پر جرمانہ کر دیا۔ ہول سیل گروسرز نے جرمانوں پر احتجاج کرتے ہوئے ہڑتال کی دھمکی دے دی۔
چیئر مین ہول سیل گروسرز نے کہا کہ کمشنر کی ٹیم نے سستا آٹا فروخت کرنے پر جرمانہ کر دیا ہے، آٹے کی سرکاری قیمت 123روپے ہے جبکہ ہم 115 روپےمیں فروخت کر رہے تھے۔
انکا کہنا تھا رمضان المبارک کے مقدس مہینے میں بھی غریبوں کوسستا آٹا دینے پر جرمانہ کرنا سراسر ظلم ہے۔
