مسلم لیگ (ن)کے صدر اور سابق وزیراعظم نواز شریف نے کہا ہے کہ مزدور کومعاشی طور پر اوپر اٹھائیں گے، غریب کا اچھا وقت آگیا، حج پر جانے والے پاکستان کیلئے دعائیں کریں، اللہ ملک کی خیر کرے۔
وزیر اعلیٰ پنجاب مریم نواز نے دارلامان میں مقیم 10خواتین کو حج پر بھیجنے سے پہلے ملاقات کی ، سابق وزیراعظم نوازشریف بھی وزیراعلیٰ پنجاب مریم نواز کے ہمراہ تھے۔
بزرگ خواتین نے وزیراعلی پنجاب اور صدر مسلم لیگ ن سے ملاقات میں اظہار تشکر کیا اور دعائیں دیں۔اس موقع پر مریم نواز کا کہنا تھا کہ بزرگ خواتین ہماری ماؤں جیسی ہیں، ان کا بہت خیال رکھا جائے، آپ نے پاکستان کیلئے بہت سی دعائیں کرنی ہے۔
صدر مسلم لیگ ن نواز شریف نے کہا حج پر جانے والوں سے ملنا ایک اعزاز ہے، بہت خوشی ہوئی، مزدور کو معاشی طور پر اوپر اٹھائیں گے، غریب کا اچھا وقت آگیاہے۔
سابق وزیراعظم نے کہا کہ ہماری حکومت میں خلل نہ آتا تو غربت اور بے روزگاری ختم ہوجاتی، حج پر جانے والے پاکستان کیلئے دعائیں کریں، اللہ ملک کی خیر کرے
