وزیر اعلیٰ پنجاب مریم نواز نے صوبہ بھر میں آٹے کی قیمتوں کی کڑی نگرانی کا حکم دیتے ہوئے متعلقہ افسران کو فیلڈ آپریشن کی ہدایت کر دی ہے۔
اس حوالے سے صوبائی وزیر خوراک بلال یاسین نے کہا کہ محکمہ خوراک آٹے اور گندم کی سپلائی کو مزید بہتر بنا رہا ہے اور آٹے کی مصنوعی قلت یا قیمت بڑھانے پرفوری کارروائی کی جائے گی ۔
بلال یاسین کا کہنا تھا کہ وافر ذخائر کے باوجود قیمت میں اضافے کی کوشش غیر فطری ہے ۔
انہوں نے کہا کہ فلور ملز کو گرائنڈنگ عمل مزید تیز کرنے کی ہدایات جاری کی گئی ہے ۔
ان کا مزید کہنا تھا کہ متعدد اضلاع میں آٹے کی سپلائی بڑھائی گئی ہے اور سپلائی بڑھانے سے قیمت میں مزید کمی ریکارڈ کی گئی ہے۔
