وزیراعلیٰ پنجاب یوتھ انیشیٹو پروگرام کی تقریب ہوئی جس میں مریم نواز نے طلبا میں ای بائیکس تقسیم کیں۔
وزیراعلیٰ مریم نوازنے تقریب سے خطاب کرتے ہوئے کہا کہ بائیکس حاصل کرنےوالےطلبا کومبارکبادپیش کرتی ہوں،4ماہ کے اندر ای بائیکس تقسیم کرنے کا وعدہ پورا کیا ،خواہش تھی کہ طلبا کی مشکلات کو جلد سے جلد ختم کیاجائے۔
ایک لاکھ 90ہزار کے قریب ای بائیکس کیلئے رجسٹریشن ہوئی،پنجاب میں 27 ہزار الیکٹرک بائیکس تقسیم کی جائیں گی،ای بائیکس کی آدھی ڈاؤن پیمنٹ پنجاب حکومت ادا کرے گی،میاں نواز شریف کا شکریہ ادا کرتی ہوں جنہوں نے مجھے گائیڈ کیا۔
چاہتی ہوں پنجاب ای بائیکس اور ای ٹرانسپورٹ کی طرف جائے ،اس منصوبے کی تکمیل میں تمام متعلقہ اداروں اور افراد شاباش کے مستحق ہیں،الیکٹر ک بائیکس کی تقسیم کے دوسرے فیز میں تعداد مزید بڑھائیں گے۔
انہوں نے کہا کہ پنجاب کے تمام اضلاع میں یکساں بائیکس تقسیم کی گئی ہیں،طلبا کیلئے لیپ ٹاپ اسکیم بھی لارہے ہیں،پنجاب کے طلبا کیلئے 25ارب روپے کی اسکالرشپ اسکیم لا رہے ہیں ،جو طلبہ و طالبات فیس ادا نہیں کرسکتے،حکومت انہیں معاونت فراہم کرے گی۔
مریم نواز کا مزید کہنا تھا یوتھ کے لیے مزید اسکیمز لے کرآرہے ہیں،ای بائیکس کی بیٹری کی انشورنس دی گئی ہے،100فیصد بائیکس میرٹ پر دی گئی ہیں ،پنجاب ترقی ، ٹرانسپورٹ اور طلبا کی سہولیات میں لیڈ کرے گا۔
چاہتی ہوں دیگر صوبوں میں بھی ایسی ترقی آئے ،الیکٹرک بسز کیلئے آج ایم او یو سائن کیا گیا ہے ،27ای بسز دسمبر میں لاہور آ جائیں گی ،پنجاب طلبہ کو سہولیات دینے میں لیڈ کرے گا۔
