بھارت کے کھرب پتی تاجر مکیش امبانی کے بیٹے اننت امبانی کی شادی میں دعوت نامے کے بغیر گھسنے کی کوشش کرنے پر دو افراد کو گرفتار کرلیا گیا۔
بھارتی میڈیا کے مطابق اننت امبانی اور رادھیکا مرچنٹ 12 جولائی کو شادی کے بندھن میں بندھ گئے ہیں۔
شادی اور اس کے بعد کی تقریبات میں دنیا بھر سے معروف شخصیات نے شرکت کی۔
رپورٹ میں بتایا گیا کہ ممبئی میں شادی کے مقام سے دو افراد کو دعوت نامے کے بغیر شادی میں گھسنے کی کوشش پر گرفتار کرلیا گیا۔
گرفتار افراد آندھرا پردیش سے ممبئی پہنچے تھے جن میں سے ایک یوٹیوبر اور دوسرا خود کو بزنس مین بتاتا ہے۔
ممبئی پولیس نے دونوں کو گرفتار کرکے الگ الگ مقدمات درج کرلیے۔
بعد ازاں ممبئی پولیس نے قانونی کارروائی کے بعد دونوں کو رہا کردیا۔
