کراچی میں گزشتہ رات گلشن اقبال میں فائرنگ سے شہری ساجد کے قتل کا واقعہ ذاتی دشمنی کا شاخسانہ نکلا ، فائرنگ کا واقعہ کیسے پیش آیا ہیر سلون کے مالک کا ویڈیوبیان سامنے آ گیا۔
ہیئر سلون کے مالک کا کے مطابق میں دکان بندکرکےنکل رہاتھاکہ3افرادفائرنگ کرتےہوئےآئے ملزمان نے پہلا فائرماراجومیرے بیٹے کے بازو پر لگا اس کے بعد ملزمان نےدوسری گولی ساجد کو ماری تو وہ گر گیا۔
دکاندار نے بتایا کہ ملزمان ساجد پر مسلسل گولیاں چلاتے رہے، گولیاں مارنے کے بعد ملزمان لاش کی تلاشی بھی لیتے رہے۔
جبکہ پولیس ذرائع کا کہنا ہے کہ فائرنگ کا واقعہ دشمنی کا شاخسانہ ہے ۔ ابتدائی تحقیقات کے مطابق ناصر اور حمزہ نے فائرنگ کی جو کہ مقتول کے رشتے دار ہیں ، تین نقاب پوش ملزمان نے ہدف بنا کر حملہ کیا، ملزمان نے ساجد پر اندھا دھند گولیاں چلائیں ۔
