رواں برس ڈاکوؤں کی فائرنگ سے جاں بحق ہونے والوں کی تعداد 84 ہوگئی
کراچی میں ڈاکوؤں نے ایک اور خاندان اجاڑ ڈالا، گدھا گاڑی بان نماز جمعہ ادا کرنے مسجد گیا تھا، باہر واردات کرنے والے ڈاکوؤں نے فائرنگ کردی جسکی زد میں آکر نزیر احمد جاں بحق ہوگیا ۔
ضلع وسطی نیو کراچی سیکٹر الیون آئی میں ڈاکوؤں نے ضعیف اور معذور باپ کا سہارا چھین لیا۔
گدھا گاڑی بان نزیر احمد مسجد کی پہلی منزل پر تھا کہ مسجد کے باہر واردات کرنے والے ملزمان نے متاثرہ شہری کی جانب سے مزاحمت اور شور شرابہ کرنے پر فائرنگ کی، نزیر احمد کھڑکی سے جھانک رہا تھا کہ گولی اسے آلگی۔
جوان موت پر غم سے نڈھال مقتول کے والد کہتے ہیں نزیر احمد مجھ معزور کی آنکھوں کی ٹھنڈک اور خاندان کا واحد سہارا تھا، مقتول کے بوڑھے والدین، ایک زہنی مریض بڑا بھائی اور تین بہنیں ہیں۔
ورثا نے پولیس حکام سے انصاف فراہمی کا مطالبہ کیا ہے۔ رواں برس ڈاکوؤں کی فائرنگ سے جاں بحق ہونے والوں کی تعداد 84 ہوگئی
