ملزم سے غیر قانونی اسلحہ ، واکی ٹاکی اور دیگر سامان برآمد، پولیس
شہر قائد میں نارتھ کراچی اجمیر نگری پولیس نے کارروائی کرتے ہوئے خود کو وزیراعظم کا پروٹوکول افسر اور پولیس کا ڈی ایس پی کہنے والے ملزم کو پکڑ لیا۔
پولیس کے مطابق اپنے آپ کو پولیس کا ڈی ایس پی کہنے والے ملزم کی شناخت حفیظ خان کے نام سے ہوئی۔ اس کے قبضے سے غیر قانونی اسلحہ ، واکی ٹاکی اور دیگر سامان برآمد کیا گیا ہے۔
اس حوالے سے پولیس نے مزید بتایا کہ ملزم اپنے کو پرائم منسٹر سیکرٹری اور ان کا پروٹوکول افسر ظاہر کرتا تھا، ملزم اس سے پہلے بھی پاکستان بازار پولیس اسٹیشن میں گرفتار ہوچکا ہے۔
