سعودی وزارت حج نے عمرہ زائرین کے لیے پرمٹ کے حصول پر زوردیتے ہوئے کہا ہے کہ اس کا مقصد عمرہ مناسک کی ادائیگی میں سہولت ہے۔عرب ٹی وی کے مطابق وزارتکی جانب سے جاری بیان میں کہا ہے کہ عمرہ پرمٹ کے وقت مقررہ سی4گھنٹے قبل مکہ مکرمہ میں داخل ہونا چاہئے
عمرہ زائرین کو اگر یہ اندیشہ ہو کہ وہ پرمٹ کے وقت پر مکہ نہیں پہنچ سکتے تو انہیں چاہئے کہ وہ اپنا پرمٹ کینسل کرانے کے بعد دوبارہ اپنی آسانی کو مدنظر رکھتے ہوئے جاری کرالیں
وزارت حج نے عمرہ پرمٹ کے حوالے سے کہا کہ پرمٹ کا مقصد ازدحام سے زائرین کو بچانا ہے۔وزارت نے کہا کہ ڈیجیٹل ایپ کے ذریعے اس وقت کا انتخاب کیا جاسکتا ہے جب مسجد الحرام میں رش نہ ہو اور آرام سے مناسک عمرہ ادا ہوسکیں۔زائرین کو چاہئے کہ وہ اپنا عمرہ پرمٹ مسجد الحرام کی انتظامیہ کے طلب کرنے پر پیش کریں۔
